Puulukit nappaataanik naggueqatigut tunillatsittut 30-nik ilapput

Puulukit nappaataannik, influenza A-mik taaneqartartumik inuit Nunavumi tunillanneqarsimasut 30-nik ippassaq ilaneqarput, influenza A-mik tunillanneqarsimasutut paasineqartut maanna 234-nngorlutik. CBC Northip nittartagaani taama allaaserinnittoqarpoq.

Influenza A-mik tunillanneqarsimasimasut Kivalliq-mmeersuupput, Hudsonip Kangerliumanersuata kimmut sineriaaneersuullutik, kiisalu Canadap issittortaani kitaamiuneersuullutik, tassa Kitikmeot-neersuugamik.

Tunillanneqarsimasut 2 procentii Qeqertaalummeersuupput, atuarfiilli, meeqqeriviillu assigisaallu matuneqarnissaat innersuussutigineqanngitsoq, Nunavumi peqqinnissaqarfik nalunaarpoq.

Influenzaasinnaasumik ersiutaasinnaasumik pasitsaassaqaraanni angerlarsimaannarnissaq innersuussutigineqarpoq, qanorlu iliuuseqarnissaq pillugu sianertoqarnissaa innersuussutigineqarluni.

Canadami Nunavumilu inuiattut ullorsiortoqalerpat tunillannartuiaatinik agguaassisoqarniarpoq, qanorlu tunillatsinnaveersaartoqarsinnaanersoq pillugu paasititsiniaasoqassalluni.

Influenza A-mik tunillanneqarsimasoq siulleq maajip 28-ani paasineqarpoq, Canadamilu tunillanneqarsimasut katillugit 6400-t sinnerpaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat