Putsileqattaarnera kinguaattoortitsiuarsinnarpoq
Kitaani pujoq Air Greenlandip timmisartuussineranik suli akornusersuiuarsinnarpoq, taamalu ilaasussat ilaaffissaannik allanngorartitsilluni.
Avannaani Ilulissaniit Upernavimmut, Qaanaamut Pituffimmullu aqqut, kiisalu Tunumi Kulusuk putsumik akornuserneqarnerpaajupput.
Marlunngornermi maajip 24-ianni ullup qeqqata tungaanut timmisartorsuaq Danmarkimeersoq pilersaarutit malillugit Kangerlussuarmut mippoq. Uterporli nalunaaquttap akunnerinik tallimanik kinguaattoorluni. Kinguartitsinikkut ilaasussat sinerissameersut amerlanerusut angumersipput.
Putsup pilersitaanik nassiussanik assartuineq aamma akornuserneqaqqavoq, pingaartumik Nuup, Maniitsup Sisiullu akornanni nassiussat uninngasut amerlavallaalersimallutik. Air Greenlandimit neriuutaavoq sapaatip akunnerata naanerani tamanna anigorneqarsinnaanngorumaartoq.
Allakkat kinguaattoorutaavallaanngillat ilaasunik angallassinernut ilanngullutik apuuffissaminnut apuunneqartaramik, pujueraangallu pilertortumik ingerlanneqartarlutik.
