Putinip tapersersortaat Moskvami qinersinermi kinguariaateqartut
Ruslandimi nutaarsiassaqartitsiviit arlallit taama allaaserisaqarput.
Ruslandimi partii naalakkersuisuutitaqartumut Forenet Ruslandimut illuatungiliuttut sinnerlugit qinigassanngortittut arlallit siuariangaatsiassasut, taasinernik kisitsinerit naammassiartulerneranni takuneqarsinnaavoq.
Ruslandip illoqarfiisa pingaarnersaanni Moskvami akerliussutsimik takutitsinerit qaammatini kingullerni imaaginnavissimapput.
Illuatungiliuttut sassartitaqaqqusaanngitsut
Ruslandimi illuatungiliuttut Moskvami qinersisoqarnissaanut sassartitaqaqqusaannginnerat, illuatungiliuttut isornartorsiungaatsiarsimavaat.
Illuatungiliuttuni siuttut arlallit aasaq manna tigusarineqarsimapput tigummigallagaasimallutillu.
Illuatungliuttut siuttuat Aleksej Navalnyj ulluni 30-ni parnaarussaaqqareerluni aggustimi iperagaavoq.
Qinersisartut illuatungiliuttut sinnerlugit sassartunik qinersinissaat, taassuma kaammattuutigaa, partiip Forenet Ruslandip qinigassanngortitaanik qinersinnginnissaat kaammattuutigalugu.
