Putinimut isornartorsiuisoq issittumukartitaasoq
Putinimut isornartorsiuisoq piffissamik sivikitsuinnarmik periarfissillugu, pinngitsaalisamik issittumi sakkutooqarfimmut aallarunneqarpoq.
Taama oqarpoq, Ruslandimi illuatungiliuttut siuttuat Aleksej Navalnyj, taassuma pinngitsaalisamik aallarussineq unioqqutitsisumik nammineersinnaajunnaarsitsinertut taavaa.
23-nik ukiulik Ruslan Shaveddinov, peqquserluttuliortarnerup akiorniarneqarneranut aningaasaateqarfimmi Navalnyjsimi sulianut aqutsisuuvoq, taanna ataasinngornermi periarfeerunneqarpoq, russit oqartussaasui taassuma Moskvami inigisaanut iserternerisa kingorna.
Inigisaanut matu aserorneqarsimavoq, innaallagiarlu qaminneqarsimasoq, mobiiliannullu sim korti aserorneqarsimalluni.
Shaveddinov marlunngornermi oqarasuaat inuup allap pigisaa atorlugu aapparminut sianerpoq.
Shaveddinov qeqertani Novaja Zemljami Moskvamit 2000 kilometerisut avannarpasitsigisumiippoq.
Illuatungiliuttut siuttuat Navalny Shaveddinovimik oqaloqateqarnermini ukioq ataaseq sakkutooqarfimmiitilluni oqarasuaatini atoqqusaasimanngitsoq oqaluttuarsimavoq.
- Unioqqutitsisumik kiffaanngissusiiagaaqqavoq, Navalnyj taama allappoq, politikkilu tunngavigalugu tigusaaqqasoq, Navalnyj taama allapppoq.
Russit sakkutuuisa qulakkeerlugu oqaatigaat mallittarisassat malillugit iliuuseqartoqartoq, Shaveddinovillu sakkutuujusussaatitaanini malissimanngimmagu sakkutooqarfimmukartitaasoq.
Illuatungiliuttu siuttuat Navalnyj Putinimut imaannanngitsumik unammillernarnerpaatut isigineqartoq taanna oqarpoq, Shaveddinov nappaateqarnini pissutigalugu sakkutuujussussaanermik pinngitsuuisinnaasoq.
Illuatunguliuttut siuttuata Navalnyjip Putinip aqutsinera akerleralugu akerliussutsimik takutitsinerit arlaqartut annertuut aaqqissornikuuvai , arlaqartullu tigusarineqartarsimallutik.