Rusland kiassuarmit orpippassuillu ikuallannerannit eqqorneqareersorlu Ruslandimi ministeriunerup, Vladimir Putinip, silap pissusaata allannguutai paasiniarlugit Ruslandip avannarpasissuani issittumi ilisimatusarfik ulluni makkunani takuniaavigaa.
Nutaarsiassaqartitsivimmi Ritzauimi tamanna allaaserineqarpoq.
Russit ministeriunerata taassuma Ruslandip avannaani qaasuitsup killeqarfia ataasinngormat aqqusaarpaa. Ruslandip oqaluttuarisaanerani aatsaat taama kiatsigaaq, orpippassuillu ikuallarujussuarmata inuit 54-it ajunaarput, karrillu naatitat sisamararterutaasa aserorneqarnerisa kingunerisaanik, Ruslandip aningaasarsiornera dollarsinik milliardinik annikillilluni.
- Silap pissusaa allanngoriartorpoq. Ikuallannerit kinguneri takuleratsigik tamanna ukioq manna takuarput, qeqertami Samojlovskijimi ilisimatusarfimmik, ilisimatuut 1998-imili nunap qeriuaannartup qanoq aakkiartorsimaneranik misissuiffiannik, Putin oqarpoq.