Putin oqalugiarpoq
Russit præsident-iat Vladimir Putin ukiumoortumik ruslandip naalagaaffiata qanoq inissisimanera pillugu oqalugiarpoq. Apeqqullugu annertooq utaqqineqarsimasoq akineqanngitsorli – Putini præsident-itut tunuarpat kina præsident-issatut piukkuneqarnersoq oqaatigiumaneqanngilaq.
DR-p ilanngutassiortuata; Poul F. Hansen-ip apeqqut pineqartoq akineqarnersoq oqaluttuaraa;
Putin-ip 1 tiimi sinnilaarlugu oqalugiarnermini naggataatungaatigut oqaatigaa, naggataamik Rusland-ip naalagaaffiata qanoq inissisimanera pillugu nassuiaateqarluni, nassuerutigaalu tulliani qinersisoqa-lermat Naalagaaffiup inatsisai malillugit præsident-iffissani naammata sassaqqinniarnani. Præsident-issamulli piukkunneqarsinnaasut ilimagineqartut sallerpaasussat marluk tassaallutik; Illersornissamut ministeri; Ivanoff, vicepremierminister-ilu Dimitri, ilisimaneqanngilarli kina præsidentinngorumaarnersoq.
Rusland-ip inatsiasartuinut naggataarutaasumik oqalugiarujussuarnermini Putini qularpalunnani ajugaasimaarpalullunilu siumut isigisumik oqalugiarpoq; oqaatigaalu maannakkut rusland nunarsuarmi nunat pisuujunerpaat qulingattut inissisimasoq, nakkaattoorluinnarsimagaluarlunilu maannakkut qanoq aningaasaqarnerup tungaatigut nikutseqqissimatigisoq. Uuliamiillu pisuussutit siunissami qanoq atorneqarnissaat eqqartoramiuk oqaatigaa; utoqqalinersiallit atugarissaarnerulernissaannut aammalu inissialiortiternissanut kiisalu ilisimatusarnermut, allarpassuarnullu uuliamit aningaasat atorneqassasut.
Ukiunut 10 – 15-nut isigaluni pereersimasut qiviarnagit siumulli isigaluni oqalungiaateqarpoq.
