Atomimik nukiliorfik russit sakkutuuinit marsimi tiguarneqapoq, sulili russinit nakkutigisaalluni. Nukissiorfiup ulluinnarni ingerlannneqarnera Ukrainemiunit atorfilinnit isumagineqarpoq.Assi: Just Click's With A Camera/flickr

Putin atomimik nukiliorfimmik tiguaaqqusisoq

Putin Ukrainemi nunap immikkoortui Donetsk, Luhansk, Kherson aamma Zaporizjzja Ruslandimut ilanngunneri pillugit inatsimmik aamma atsiornikuuvoq.

Ukrainemi atomimik nukiliorfik Zaporizjzja russit oqartussaasuinit tiguarneqassasoq, Ruslandip præsidentiata Vladimir Putinip peqqussutigaa.

Ukrainemi atomimik nukiliorfik Europami anginersaavoq.

Putin Ukrainemi nunap immikkoortui Donetsk, Luhansk, Kherson aamma Zaporizjzja Ruslandimut ilanngunneri pillugit inatsimmik aamma atsiornikuuvoq.

Nukissiorfimmi aalamik kissartumillu pilersuinerit annikillisarneqarnissaannut piareersartoqartoq, atomimik nukiliorfimmi atorfillit atomimik nukissiorneq pillugu nunat tamalaat nakkutilliisuutitaanit issuarneqarput.

AAMMA ATUARUK Atomi atorlugu innaallagissiorfik Zaporizjzja atorneqaqqilerpoq

Nukissiuuteqarfimmi pisortaq, Ihor Murasjov, ullut arlaqanngitsut matuma siorna allarunneqarpoq kingornalu russit sakkutuuinit iperagaalluni.

Ihor Murasjovip russinit aallarunneqarnera peqqarniisaarniarnertut, Ukrainep præsidentianit Volodymyr Zelenskyjmit sapaatiummat taaneqarpoq.

Zaporizjzja Ukrainemi nunap immikkoortui sisamaasut Ruslandimut tallimanngornermi ilanngunneqartunut ilaavoq.

Atomimik nukiliorfik russit sakkutuuinit marsimi tiguarneqapoq, sulili russinit nakkutigisaalluni. Nukissiorfiup ulluinnarni ingerlannneqarnera Ukrainemiunit atorfilinnit isumagineqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl