Pussukulaartuinnanngorluni issinnialerpoq

DMI'p ilimasaarutaa malillugu piffissami aggersumi sineriak tamarmi issittussanngorpoq.

Maanna Nunatsinni issisiortutut misigigaanni sapaatip akunnera tulleq issittorujussuartut misinnartussaassaaq. Tassami Qaanaami 40 angungajallugit issittussanngorpoq Nuummilu 17-18-nik issittussanngorluni.

DMI'p ilimasaarutaa malillugu sineriak tamakkerlugu tallimanngornermiit issingaatsiartussanngorpoq.

Nuummi 17-it missaannik ississaaq anorilu avannaq sekundimut 10-11 meterimik sukkassusilik ilannguteriaraanni suli issinnerujussuartut misinnartussaavoq.

Sisimiuni suli issinnerussaaq tassami sisamanngorpat 25-it sinnerlugit issittussanngorpoq.

Avanersuarmi piniartut atisatik ammit oqortorsuit iluaqutigissaqaat piffissami aggersumi piniariartarnissaminni. Tassami 35-it sinnerlugit issilertussaavoq. Avanersuarmiulli issi sungiusimavaat ullumikkorpiarlu 28-it missaliorlugit issippoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat