Pussukulaartuinnanngorluni issilerpoq
Siorna issangiarnerujussua maanna issimit taarserneqarpoq.
Allattoq Noah Mølgaard
Ukiutoqaq ississamaaleqaaq 2012-milu ullut siulliit issi oqilinavianngivippoq.
Qangali atuuttartoq sunniuteqqippoq. Europa issikkaangat nunarput issangiartarput Europalu issikikkaangat nunarput issittarluni.
DMI-mi silassaq malillugu sineriammi illoqarfinni arlalinni ulluni tullerni 20-it ataallugit issittassaaq.
Nuummi ukiutoqarsiortut 15-nik issittumi qummoroortartussapput. Ilulissani 17-it 20-illu akornannik ississaaq. Qaanaami 20-it 25-illu akornannik issikkumaartoq DMI ilimasaarivoq.