Pulateriaarsuit Vanløse-imi arsaarinnissutigineqartut
Pulateriaarsuit sisamat København-ip ilaani Vanløse-mi piginnittuanit arsaarinnissutigineqarsimapput. Pulateriaarsuit tiger-pynton-imik taaguuteqarput.
Angut pulateriaarsunnik piginnittoq, Østre Landsrette-imi eqqartuunneqarami 5.000 koruuninik akiliisussanngortinneqarpoq pulateriaarsuillu arsaarinnissutigineqartussanngorput.
Innuttaasut uumasunik inunnut allanut ulorianaateqarsinnaasunik uumasuuteqarsinnaatitaapput, politiinit akuersissummik peqarunik. Angut 34-inik ukiulik pulateriaarsuutilik isumaqarsimavoq pularteriaarsuuteqarsinnaatitaalluni, ukiormi 2002-imi politiimit pulaarneqarsimavoq, taamanikkullu qerititsivimmini pulateriiarsunnik qerisunik arlalinnik peqarsimavoq. Politeeq ullu alla pulaarluni pulateriiarsuit uumasut marluk naammattoorsimavai.
Akuersissuteqarsimasorinninneq paatsoornerusimavoq. Pineqaatissinneqartoq, uumasunik paarngortunik soqutigisaqartorujussuusimavoq, 1994-imiilli pulateriaarsuuteqartarsimalluni. Pulateriaarsuutaasa ilaat taaguuteqarsimavoq Fede Lise. Lise puallajaaq.