Pulateriaarsuit ikiliartorput

Pulateriaarsuit - toqunartullit toqunartoqanngitsullu - ikileriarujussuarsimapput. Tamanna tuluit ilisimatusaatigalugu suliniutaanit ukiuni qulikkaani arlalinni nunarsuaq tamakkerlugu ingerlanneqartumi paasineqarpoq.
Allattoq Elisa Isaksen
juunip 09-at 2010 11:34

Atuagassiami Biology Lettersimi ilisimatusartut oqaatigaat tamanna ernumanartoqartoq.

Pulateriaarsuit ilaat 90 procentimik ikileriarsimapput. Ilisimatusartunulli tupinnarnerusoq tassaavoq, misissukkatigut paasineqarmat 1998 tassaasoq nunarsuaq tamakkerlugu pulateriaarsuit malunnaatilimmik ikileriarfiat.

Tamanna sumik pissuteqarpiarnersoq ilisimatusartut qularnaallillugu suli nassuiaatissarsinngilaat. Taamaattorli tikkuarpaat, 1998 tassaammat ukioq kiannerpaatut nalunaarsorneqarsimasoq.