Pujuerneq ajulerpoq

Kitaani pujornera sineriammik tamarmik eqquisoq marlunngormalli silaannakkut angallannermik akornusersuilerpoq sorpassuartigut malunniuppoq. Air Greenlandimi sulisut ulluni kingullerni ulapputeqisut angalatitsinermut pisortap Jørgen Erik Andersenip isertuanngilaa.

Massakkorpiaq Air Greenlandip timmisartuussinissaanut pujoq suli akornutaavoq, kisianni Nuup, Ilulissat Kangerlussuullu akornanni timmisartuussineq aallartisarneqalerpoq. Ilutigitillugu timmisartorsuup Danmarkimut uterluni tinginissaa ualeru sisamanut kinguartipparput, ilaasut sinerissameersut Kangerlussuarmut apuussinnaasut utaqqimaarumallugit.

Jørgen Erik Andersen oqaluttuarpoq maannakkorpiaq ilaasut 350-400-t missaanniittut Kangerlussuarmi allanilu timmisartuunneqarnissaminnut utaqqisut. Taamaattumik ulluni kingullerni sinerissami kanngiffinni, pingaartumillu Kangerlussuarmi, unnuiffissarsiuussineq aporfiusarsimavoq. Tamanna sullissisunik ulapititsisimaqaaq.

Sisimiuni napparsimaveqarfimmi pisortaq Niviaq Lind oqaluttuarpoq timmisartuussinerup unikaallariarujussuarnera soorunami napparsimasut illoqarfimmiit illoqarfimmullu angallanneqarsinnaannginnerannik kinguneqarsimasoq. Nakorsaq ilulerisartoq ataasinngormalli Sisimiunut pilaajartorluni tikittuussaagaluaq suli tikinngilaq, pilatsittussallu qulit missinginiittut matumani utaqqilussinnarput.

Nakorsaq alla Søren Kristensen siutit nakorsaat Qasigiannguaniit Aasiannut ingerlaqqissinnaanngilaq, taassumalu nassatarai passissinermut atortut nakorsap allap Uummanniartussap marlunngorpat atugassai. Taakkulu piffissaagallartillugu apuunnissaat nalorninartoq oqaatigineqarpoq.

Naalakkersuisut siulittaasuat Hans Enoksen malitsinilu Kinamukarlutik aallartussat iluatsitsinerusimapput, Kangerlussuarmut apuutereersimagamik, taamaalillutillu timmisartorsuaq Danmarkiliartussaq angumeralugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat