Pujortartartut Sverigemi killilersorneqarnerulerput

Sverigimi pisortat suliffeqarfiutaani sulisut sulinermi nalaani pujortaqqussaajunnaassapput. Sverigemi kommuunit arlallit sulinerup nalaani pujortaqqisinnginnissamik aalajangernerisa kingorna tamanna aalajangiunneqarpoq.
Allattoq Lotte Holm
juunip 18-at 2009 09:39

Sverigemi komuunit 290-iusut pingajorarterutaat sulinerup nalaani pujortaqqusinnginnermik aalajangereerput. komuunillu sinneri inerteqquteqalernissaat naatsorsuutigineqarpoq, svenskit aviisiat Dagens Nyheter tamanna pillugu ullumi taamatut allaaserisaqarpoq.

Sverigemi kommmuunnit kattuffiani aallartitap erseqqissaarpaa inerteqquteqalivinnissaq siunertarineqanngimmat, inuit ataasiakkaat pisinnaatitaaffii akornuserniarneqanngimmata.

Sulisut tamarmik sulinermi nalaani pujorfigineqannginnissaat piumasaqaataavoq.

Pujortartartut pujortagulluinnaqqissaarunik suliffeqarfitsik qimallugu pujortarsinnaanissaat periarfissinniarneqarpoq.

Sverigemi eqqartuussiviit qullersaata ukioq 2008-imi eqqartuussinermi aalajangerpaa, kommunalbestyrelsit pisinnaatilerlugit sulisumik sulinermi nalaani pujortartarnerisa inerteqquteqarsinnaatilerlugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq