Pujortartartut ikiliartorput
Kalaallit Nunaanni pujortartartut 1993-imiilli ikiliartuinnalersimapput. Inuiaqatigiit peqqissuunissaat pillugu naalagaaffiup ilisimatusarfiata, Danmarkimi Syddansk Universitetimiittup, Kalaallit Nunaanni Peqqinnissaqarfimmut Pisortaqarfik suleqatigalugu misissuisitsisimanerani nutaami tamanna erserpoq.
apriilip 30-at 2008 06:22
Pujortartartut 1993-imi 78 procentiusimapput, 2007-imili 66 procentiinnanngorsimallutik. Arnat angutillu pujortartartut agguaqatigiissillugu amerlaqatigiipput, cigaretsillu pujortarneqarnerpaasut misissuinermi paasinarsivoq.
Pujortartartut ikiliartornerat iluarinaraluartoq, taamaattoq Inuunerittap anguniagaanut aqqut suli ungasippoq, Inuunerittammi angorusutaa tassaavoq pujortartartut 2012-imi 40 procentiinnanngornissaat. Pujortartarneq peqqinnissamut Kalaallit Nunaanni ajoqutaanerpaavoq. Puakkut kræfteqarluni, pujortartarnermullu attuumassuteqartunik allanik toqquteqartartut, Kalaallit Nunaanni amerlasoorujussuupput.
