Pujortartarneq soraarsitaanermik kinguneqarsinnaavoq
Maleruaqqusarli sulisunit uninngasunillu naalanneqarusunngiinnarmat napparsimmavimmi pisortat pujortaqqusinngitsunik paarsisulersortut, napparsimmavimmi pisortaq, Klaus Lunding, oqarpoq.
Klaus Lunding oqaluttuarpoq soorlu ullumi nammineq sulisoqarnermut pisortaq ilagalugu akunnerup affaani pujortartoqarnersoq misissussallugu, pujortarfigineqakulanerpaallu sumiittut nalunnginerarlugit. Pujortartunik naammattoorsigaangamik siullermik oqaloqatigeqqaartarpaat, napparsimmavimmi pujortaqqusinngilluinnarneq pillugu.
Pujortarlutik naammattoorneqartut siullermik mianersoqqussumik tunineqartarput, arlaleriarlutilli pujortarlutik naammattoortikkunik soraarsitaasinnaallutik sulisut nalunngilluinnaraat, napparsimmaviup pisortaa, Klaus Lunding oqarpoq, nangillunilu
- Soorunami taamaaqqunanngikkaluaqaaq, kisianni tassa malittarisassanik unioqqutitsiuaannartut naggataatigut soraarsitaasinnaapput.
Dronning Ingridip Napparsimmavissuani 2008-mi januaarimi pujortartoqaqqusaajunnaarpoq, paasisavullu naapertorlugit paarsisulersussamaanngillat. Pujortassagaanni silami pujortartarfinni pujortartoqarsinnaavoq.
