Pujortartarneq inuiaat suli nappaatigaat

Ullumikkut ulloq tassaavoq Tupamik pujortartarnerup Akiorniarneqarnissaanut Naalagaaffiit Peqatigiit Peqqinnissakkut Suleqatigiiffiata, WHO-p, ullorititaa.
Allattoq Carla Davidsen
maajip 31-at 2012 06:20

Pujortartarneq Nunatsinni peqqissutsimut suli ajornartorsiuterujussuusoq, Peqqissutsimut Naalakkersuisoq, Agathe Fontain nalunarpoq.

- Inersimasut 66 procentii pujortartuupput, meeqqat inuusuttullu pujortartarnerat ilutigalugu aamma ajornartorsiuterujussuulluni. Meeqqat atuarfiini angajullerni atuartut affaat pujortartarput, nappaatillu arlalissuit tupatornikkut pinngorsinnaasarput, piaarpallaamillu toqussutaasinnaasarlutik, Agathe Fontain oqarpoq. Neriuutigaalu Pujortartarneq akiorniarlugu Ullorititaq Nunarput tamakkerlugu malunnartinneqarumaartoq.

Nunarsuaq tamakkerlugu tupamik pujortartarneq akiorniarlugu ullorititamut tunngatillugu Peqqissutsimut Naalakkersuisoqarfiup KNR suleqatigalugu Paarisap 2010-mi paasititsiniaaneranut atatillugu Radiokkut aallakaatitassiat "Pujortarfiunngitsumik Avatangiiseqarneq"-mik qulequtsikkat aallakaateqqinneqarnissaannik suleqatigiipput. Qanoq pujprtarunnaarsinnaaneq taamaalilluni inuuneriinerulernissamut siunnersuuterpassuit nittartakkani paarisa.gl-mi aamma peqqik.gl-imi aamma atuarneqarsinnaapput. 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq