Danmarki tamakkerlugu ullumikkumiit pujortaqqusaajunnaarput. Neriniartarfiit iluini 40 kvadratmeterinit anginerusuni pujortaqqusaajunnaarput, neriartorsimasullu pujortartarfinnut immikkuullarissunut silamulluunniit innersuunneqartalissapput.
Pujortaqqusaajunnaarneq tamanit iluarineqanngilaq. Pujortartartut amerlanngitsunnguit Københavnimi Rådhuspladsimi allagartarsualisarlutik akerliussutsimik unnuaq takutitsipput.
Imerniartarfiutillit marluk nittartagartaarsimapput, sutorniartarfiutiminni pujortartarnerup unitsinneqannginnissaanut tapersersortissarsiorfigisaminnik. Partii nutaaq, Pujortartartut Nyborgimi partiiat, arfininngorpat aamma pilersinneqartussaavoq, tassanilu imerniartarfiutillit taakku marluk aamma peqataaniarput.