Pujortarnermut ersisaarutit pujortaguummersitsiinnartarput
Pujortartartut ikiliartornissaannik siunertaqarluni allagartalersuineq tupanik nioqqutissiorfiit ersinngitsumik piseqqusaarusiaattut isigineqarsinnaasoq, atuagaq nutaaq »Buyologi« tupaallaataaqisumik naliliivoq.
Danskeq Martin Lindstrøm ilisimatuut peqatigalugit naliliisunut ilaavoq.
- Inuk piseqqusaarusianik mianersoqqussutinillu takugaangami, qarasaa qanoq pissusilersortarnersoq scannerinikkut malittarisinnaasimavarput. Paasivarpullu inerteqqutit killormut sunniuteqartartut, Martin Lindstrøm oqarpoq.
Kræftimik akiuiniaqatigiiffiup taamatut inerniliinerit soqutiginartippai, kisianni pinaveersaartitsinermik suliaqartut pisortaata nakorsaanerup Hans Stormip inerteqquteqaannarnissaq ornigineruaa.
- Pingaartumik pujortarneq ajortunut naviasaarutit pujortartalernaveersaataasut paasinarsereerpoq pujortartartullu pujortarpallaarnaveersaatigisaraat, Hans Storm oqarpoq.
EU-mi inatsisit atuutilernerisa kingunerisaanik Danmarkimi aammalumi nunatsinni sikaritsit tupallu puuini pujortartarnerup ulorianassusianik allagartalersuisoqartalerpoq.
