Pujortarfiunngitsut aamma nunatsinni

Neriniartarfinni imerniartarfinnilu pujortartarneq aqagu Sverigimi inerteqqutaalissaaq. Aamma Nuummi neriniartarfinni imerniartarfinnilu pujortartarneq pillugu iluarsiisoqalerpoq.

Pujortarneq ajortut imerniartarfinnut neriniartarfinnullu iseraangamik pujorsunningitsumi nerisinnaalissapput.

Neriniartarfinni imerniartarfiillu pujortarfiunngitsunik immikkoortoqalernissaa Naalakkersuisunit siunnersuutigineqartoq, Nummi neriniartarfiutilinnit imerniartarfiutininnillu tapersersorneqarpoq.

Pujortarfunngitsunik pilersitsisoqarnissaa nammineq piumassuseq tunngavigalugu piviusunngortinniarneqaqqaassaaq, piaarnerpaamilli pujortarfiunngitsunik immikkoortortaqalernissaa sulissutigineqassasoq Peqqinnissamut Naalakkersuisoqarfik aammalu neriniartarfiutileqatigiit peqatigiiffiat nalunaarpoq.

Pujortafiunngitsunik immikkoortortaqalersimaneq qanoq misilittagaqarfigineqalersimanersoq tusarniarlugu, augustip qaammataani Naalakkersuisoq neriniartarfiutileqatigiillu naapeqqissapput.