Pujortarfiunngitsunik sutorniartarfeqarsinnaallunilu neriniartarfeqarsinnaalluarpoq. Sutorniartarfiutillit neriniartarfiutillillu Peqqissutsimut Pisortaqarfimmut taama nalunaarput.
Pujortarfiunngitsunik ineqarneq pillugu Peqqissutsimut Naalakkersuisuugallartup Asii Chemnitz Narupip Nuummi sutorniartarfiutillit neriniartarfiutillillu maajip naalernerani ataatsimeeqatigai.
Sutorniartarfiutillit neriniartarfiutillillu misilittagaat pillugit ukiaq manna naapeqqittoqarnissaanik taamani isumaqatigiittoqarsimavoq.
- Sutorniartarfinni neriniartarfinnilu pujortaqqusinnginneq iluatsilluarmat, taama ingerlaannartoqarnissaa kissaatigineqarpoq. Pujortarfiunngitsumilli imerniartarfeqarnissaq ajornartorsiutaanerpaasimavoq, Asii Chemnitz Narup oqarpoq.
Misilittakkat sumut atorneqassanersut sapaatip-akunnerata tulliani qinersinerup kingorna naalakkersuisunngortussat inissititereersimalerpata aalajangerneqassaaq.