DMI: Pujorsuup alikkarnissaa ilimananngilaq

Nunatsinni kitaani nalinginnaanngitsumik putserujussuarnera ulluni kingullerni timmisartumik angallannermut unammillernartuusimavoq. Ajoraluartumik putserujussuarnerup alikkarnissaa ullut tulliuttuni ilimananngilaq.

Tassami pujorsuaq alikkassappat sila allanngortariaqarpoq. 

Tamannali DMI-mi silasiortup Lisette Grenbomip naatsorsuutiginngilaa.

- Naqitsiniisaffik, siallerluarneq anorlerluarnerluunniit silaannap taarserneqarnissaanut pisariaqarpoq. Taamaatoqarnissaanilli massakkorpiaq ilimaateqanngilaq. Kalaallit Nunaata kitaata imaani naqitsinertuffeqarpoq anoreqarpallaaranilu, taamaammat sinerissamiiginnarpoq ippigusutsitsillunilu. Massakkut ilimaginngilara ulluni tulliuttuni naqitsiniisaffeqalissasoq, taamaammat suli putserujuussaaq, DMI-mi silasiortoq, Lisette Grenbom oqarpoq. 

AAMMA ATUARUK Aamma ullumi: Air Greenlandip timmisartui putsumit uninngatitaapput

Europami kiarujussuarnerata silaannaa nunatsinnut anngussimasoq, taamalu kitaani putsertittsisoq oqaatigaa.

- Sapaatip akunnera kingulleq Europap kitaani kiarujussuarpoq. Taassuma silaannaa kiattoq Islandimut annguppoq, 26-inik Islandimi kiatsitsilluni, taavalu Kalaallit Nunaannut anngulluni. Silaannarlu kissartorujussuuvoq isugutattorujussuullunilu. Taassumalu nunatta imartaa nillertoq tikikkaangamiuk silaannaq kissaartoq nillorsertarpaa, putserujussuartillugulu. Aasaanerani nalinginnaasumik putsertarpoq, massakkulli taama kiatsiginera pisarnermit annertuneroqaaq. 

AAMMA ATUARUK Video: Avannaani ulloq kiarujussuarfik kingulleq

Kinguaattoornermi imaluunniit taamaatitsinnermi ilaasut 500-t missanniittut ippassaq marlunngornermilu eqqugaasimapput. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat