Pujornera pissutaalluni avannaani angallannissat unitsinneqartut
Pingasunngornermi Ilulissaniit aallartussat Ilulissiartussallu kinguaattoornernik eqqugaaqqapput.
![](/sites/default/files/styles/image_934x467/public/article_images/ingmar_olsen_6.jpg?itok=4QMhcis-)
Allattoq Kenneth Elkjær, Mads Pedersen
- Angalanissaq unitsinneqarpoq.
Timmisartumik angalasussarpassuit, pingasunngornermi apuuffissaminnut apuukkusukkaluartut, taamma kalerrinneqaqattaarput. Air Greenlandip nittartagaani angalanissanik unitsitsinerit takuneqarsinnaapput.
Unitsitsisariaqarnerit Ilulissani eqqaanilu putsernera pissutaasoq Air Greenland ilisimatitsivoq.
- Sila qanoq innera misissuataaginnaavipparput silagississappallu timmisartuussinissatsinnut piareersimalluta, Katrine Nathanielsen KNR-imut oqarpoq.
Taassuma aamma oqaatigaa angalasussat 230-t unitsitsisariaqarnerni eqqugaaqqasut.
Upernavik, Aasiaat Qaanaarlu aamma eqqugaaqqasut Air Greenland ilisimatitsivoq.