Upalungaarsimasut arfininngornermi ulappupput, pingasoriarlutimmi annaassiartortariaqarsimapput. Toqqorsivimmit assi. Assi: Arktisk Kommando.

Pujoq, motooriiarneq malissuillu: Umiatsiaaqqat qajartortullu annaanneqartariaqarsimasut

Inuit marluk umiatsiaaqqamiit inuillu marluk qaannamiit imaani arfininngormat ulorianartorsiorput. Kalaallit Nunaanni politiit taama nalunaaruteqarput.

Upalungaarsimasut pingasunut annaassiartortariaqarsimapput. Kalaallit Nunaanni politiit tusagassiuutinut taama nalunaarput.

Umiatsiaaraq Nanortallip Alluitsup Paallu akornanni pujornera peqqutigalugu ulorianartorsiorlutik siullertut nalunaaruteqarput. Umiatsiaaqqami radioqaratillu GPS-eqanngilaq, orsussaarullunilu motoorip bateeria imaarutilersimasoq, politiit allapput.  

AAMMA ATUARUK Sikunerata uuliakkoortoqarsinnaaneranut misissuineq ajornakusoortikkaa

Sinerissami nakkutilliissut Thetis, politiit angallataat sumiiffimmilu innuttaasut umiatsiaaqqamut ajutooqqasumut ikiuukkiartorput, pujornerali sikoqarneralu unammillernarsimavoq.

Angallateeraq qujanartumik iputeqarmat inuttaa namminneerluni ipulluni Alluitsup Paanut ipussinnaasimavoq, ajoranilu apuulluni.

Kilisaat Targarlu annaassisut

Sisimiut kujasissortaani inuit marluk angallataata motoorianik unittoorsimallutik ikiortissarsiorlutik aappaattut nalunaaruteqarput.

Kilisaatip ungasinngisaaniittup ikiortissarsiortut tusaavai, ajunngitsullu naammattoorlugit angerlamut apuuppai.

Nuup avatinnguani qajartortoq annilaangalluni unnuk taanna aamma ikiortissarsiorpoq. Qajartoqataata qajaa kivisimasoq, inuttaalu qajartoqammi qajaanut najummatsersimasoq avammut tissukaraluttuinnarlutik nalunaaruteqarput.

AAMMA ATUARUK Inuit nunamit kilisaat ikuallattoq isiginnaaraat: Quarsaarnarpoq

Politiit biilinik takkuttut innuttaasunik sissamiittunik ikiorteqarlutik sukkasuuliaq Targa, Arctic Boat Charterip pigisaa, nalaatsortumik saaqquttoq kalerippaat.

Taava politiit piumassutsimillu ikiuuttut Targamut ikipput, angallatillu inuttai ikiortigalugit qajartortut immamit mallersumiit annaallugit.

Qajartortut tamarmik immamiinnerminnit qiulersimaqaat, taamaammallu napparsimmaviliaanneqarlutik. Kissaameriaramilli ajoratik angerlarsinnaasimapput, Kalaallit Nunaanni politiit taama ilisimatitsipput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat