Pujoorfissuarmik tiguaasut sinilluarsimapput

Avatangiisinik illersuiniaqatigiiffimmi, Greenpeace-meersut, sisamat, suliffeqarfissuup Avedøreværkip pujoorfissuanik ippassaq tiguaasut, pujoorfissuup kissaanit unnuaq sinilluarsimaqaat. Aviisimi Politikenimi taama allaaserinnittoqarpoq.
apriilip 29-at 2008 12:54

Isummaminnik nittarsaasut taakku annoraamineq sungaartoq 35 meteritut takissusilik pujoorfissuarmut nivinngarpaat, taanna allagartaqarpoq: ”aamarsuit atoqinagit”. Avedøre 2-mi aamarsuit atorlugit kiassartalernissaq Dansk Folkepartip Ny Alliance-llu akuersissutigeqqammerpaat, Danmarkimilu CO2-mik aniatitsinerup annertusinissaa Greenpeace-miit ernummatigineqarpoq.