Pujoorfissuarmik tiguaasut aqqarniarlutik neriorsuipput
Avatangiisinik illersuiniaqatigiiffimmi Greenpeace-meersut inuit sisamat Københavnimi suliffeqarfissuup Avedøreværkip pujoorfissuanut majuartut ulloqeqqartinnagu pujoorfiup qaavaniit aqqarniarlutik neriorsuipput.
Allattoq Louise M. Kleemann
- Ajornartorsiut paasitereerparput, tassa suliffissuarmi aamarsuit atorlugit kiassartaleqqinniarneq sianilluanngitsuliornerusoq, naalakkersuisummi DONG tamatumunnga akueraat, Tanni Nybro, aviisimut Politikenimut oqarpoq.
Akerliussutsimik takutitsisut unnuaq sinnarliorsimapput, politiimmi biiliisa siggartaat kalerrisaarut ingerlatiitigalugu pujoorfik unnuaq nalunaaquttap akunnerini arlalinni kaajallaqattaarsimavaat.