Great Greenland-ip uani sap. akunnerani København-imi amminik akitsorterussilluni tuniniaanera iluatsitiffiunngilaq.
Suliffeqarfiup ilimagereersimavaa akitsorterussilluni tuniniaanissaq iluatsitiffiussanngitsoq taamaakkaluartorli puisip amianut akigitinneqartoq pakatsiffiugaatsiarsimavoq.
Amminit 3500-nit Great Greenland-imit nassarneqarsimasunit pingasoriaataasa missaat taamaallaat tunineqarput.
Naatsorsuutigut kipusuussaqaat.
- Ukioq kingulleq amminit tunisatsinniit isertitagut ikinnerugaatsiassapput, taama oqarpoq, aningaasaqarnermut pisortaq; Martin Christensen.
Amminik tunisaqarnerlunnermut patsisaavoq tuniniaaffiusartut amminik ulikkaarnertik pissutigalugu tigusaqaqqikkumajunnaarnerat, tassa imaappoq, ammit pilerigineqarpallaarunnarsimapput.
KNAPK aamma Great Greenland amminik tunisinermi akinik ulloq, 1. maj nallertinnagu isumaqatigiissusioq-qittussaapput.