Puisit ulluat sapaatiuppat
Allattoq Najaaraq Egede
Puisi nunatsinni Danmarkimilu oqallisaassaaq, Københavnimi sapaatiuppat apriilip 30-anni Puisit Ulluannik taallugu malunnartitsiniaasoqalerpat. Nunatsinni puisip qanoq atorneqartarnera eqqumiitsuliornerlu ilaatigut sammineqassapput.
Christianshavnimi Tranhusimi, Øresundsmiljøskolemi Christianiallu eqqaani Frederiks Bastionimi kalaallit ileqquat malillugu puisip qanoq pilanneqartarnera ammaanersiornermi takuneqarsinnaassaaq eqqumiitsuliortullu sanaluttut isiginnaarneqarsinnaassasut, e-pressen.dk allappoq.
Tranhusemi eqqumiitsuliortut soorlu Biinia, Henni Sørensen, Naja Abelsen allallu kalaallit eqqumiitsuliaannik suliaqartut takuneqarsinnaassapput.
Puisip neqaanik akeqanngitsumik aamma misiliisoqarsinnaassaaq.