Puisit suna toqqutigineraat misissorneqalerpoq

Paggivittami aataanik toqungasunik siumuisalerneq sumik pissuteqarnersoq Canadami aalisarnermut ministereqarfiup paasiniarnialerpaa.
januaarip 25-at 2011 15:06

Paggivittami sumiiffinni assigiinngitsuni piniartut qaammatini marlunni kingullernisilulisarsimapput. Sooq aataat toqorarnersut arlalinnit eqqoriarneqartalerpoq. Sila pissuttaanerpoq imaluunniit ataat amerlavallaalersimanerput?

Canadamiut aalisarnermut ministereqarfiata ilisimatuut paasisassarsiortut nersutillu nakorsaat, aataat siluliarineqarsimasut amiinik neqaannillu maannakkut Nunatsiavummut misissuiartortippai.

Aalisarnermut ministereqarfimmeersut aamma sumiiffiit assigiinngitsut, soorlu Makkovik, aataanik misissuiffigaat, siluliarineqarsimasullu avatangiisit mingutsissimanerannik peqquteqarlutik toqorarnersut misissoriartorlugit. Siornatigut assigusumik pisoqarnikuunngitsoq, aalisarnermut ministereqarfimmiit oqaaseqartartoq OkâlaKatiget radiomut oqarpoq.

Puisit toqqutaat paasisinnaaniarlugu nersutit nakorsaat ilisimatuullu puisinit ilanngarneqarsimasut misissussavaat.

Sapaatip akunneri arlaqanngitsut qaangiuppata misissuinerit naammassineqassapput.

Marianne Stenbæk Montrealimiit taama ilanngutassiivoq.