Atlantikup avannaani miluumasut imarmiut pillugit kommissionip, NAMMCO-p ataatsimiinera ippassaq naammassivoq.
Ataatsimiineq Norgemi Tromsø-mi ingerlanneqarpoq, isumaqatigiissutigineqarporlu ukioq manna 2005-mi puisit sammineqarnerussasut.
Puiseqatigiiaat qanoq amerlatiginersut paaserusunneqarpoq, norgemiullu inuussutissarsiutigalugu puisinniartarnerat sissuerneqarnerulissalluni.
Puisit piniagaaneranni piniutit malittarisassiuuneqassasut aamma eqqarsaataavoq. NAMMCO-mi nunat ilaasortaasut tassaaput Kalaallit Nunaat, Savalimmiut, Island aamma Norge. Taakkualu saniatigut canadamiut russit nunanilu assigiingitsuni suliniaqatigiiffiit alaatsinaatitaqartarput.