Puisit amiisa tapii oqallisigineqaqqissapput
Puisit amiinik tunisinermi tapit ukiaru inatsisartuni oqallisigineqassasut, piniarnermut naalakkersuisoq Rasmus Frederiksen oqarpoq.
Namminersornerullutik Oqartussat Nunattalu ammerivia tapiisaernissaq pillugu maanna isumaqatigiissuteqareerput.
Maniitsumi ammerivimmi siunnersortip unammilleqatigiinnermut ataatsimiititaliamut naammagittaalliutigaa, tapiissutit ataasiinnarmut tunniunneqartarnerat unammilleqatiginnermut ajoqutaasoralugu.
Nunatta Ammerivia pisortanit taperneqartarami puisit amiinik tunisisut taamaalilluni amerlanernik akilertarpai.
Piniarnermut naalakkersuisoq isumaqarpoq Nunatta Ammerivia maanna unammillerteqanngitsoq, ammerivinnullu allanut tapiisaleratarsinnaaneq suli oqaaseqarfigeruasunnagu.
Piniarnermut aalisarnermullu pisortaqarfimmit paasitinneqarpugut Nunatta Ammerivia puisit amiinik amerlasuunik pisilluarsinnaasartoq, siornami puisit amii 80.000-t pisiarisimavai, naak 120.000-t pisiarisinnaagaluarlugit.
