Puisit amiinik tunisisinnaajunnaarneq partiit eqqartussavaat
Partiit siulittaasui ammit tunineqartarneri pillugit aalajangeereersut, Kalaallit Nunaata Ammerivia Great Greenland ataatsimeersuassaaq, tassani saqqummiunneqassallutik aningaasat Great Greenlandimi siorna kaaviaartinneqartut amigartooruteqarfiusullu.
Puisit amiinik tunisinerup unitsinneqarnera atorunnaarsinneqarpat, tamanna Namminersornerullutik Oqartussanut milliuuninik koruuninik marlunnik akeqassaq. Partiit naalakkersuisuutitaqartut Atassut Siumullu Kattusseqatigiit peqatigalugit nalunaareerput, puisit amiisa tunineqartarnerisa unitsinneqarnerat atorunnaarsinneqassasoq, aningaasaliisoqassasorlu piniartut puisit amiinik tunisisarnerat aallarteqqinniassammat.
Demokraatit siulittaasuat Jens B. Frederiksen isumaqataanani nalunaarpoq, oqarluni, naalakkersuisut qineqqusaarutitut atorlugu puisit amiisa tunineqartarnerisa unitsinneqarnerat atorunnaarsinniaraat.
Puisit amiisa tunineqarnerisa unitsinneqarnerata atorunnaarsinneqarnissaanut aalajangiisussat tassaapput inatsisartut aningaasaqarnermut ataatsimiititaliaat.
