Puisit amiinik pisiortornissaq pillugu suliaq kinguartinneqarpoq

Naalakkersuisut inatsisartunut 3,6 millioni koruuninik puisit amiisa tunisaaqqilernissaannut qinnuteqaraluarnerat inatsisartuni aningaasaqarnermut ataatsimiititaliami amerlanerussuteqartut Atassummiit, Inuit Ataqatigiinnit aamma Demokraatinit inuttaqartut qinnuteqaatip suliarineqarnissaanut periarfissamik nassaarsimanngillat. Ataatsimiititaliaq tusagassiuutinut nalunaarummi taama allapput.
Allattoq Mads Lynge
maajip 22-at 2009 16:54

Taamaalilluni qinnuteqaammi siunertarineqartumut itigartitsisoqarsinnaananilu allatulluunniit isummertoqarsinnaangilaq.

Tamatumani pissutaatinneqarpoq qinersinissamut piffissap ungasigunnaarnera. Millionillu arlallit eqqartorneqarnerat.

Inuit ataqatigiit, Demokraatit Atassutillu puisit amiinut tapiissutissanik 3,6 millioni koruuninik tapiissuteqarnissaq akuersaanngilaat. Aningaasaqarnermut ataatsimiititaliami Siumup ilaasortaatitaa Otto Jeremiassen isumaqataanngilaq. Matumani tunngaviginerarpaa piniartut taakkulu ilaqutaannut ajoquseerujussuartussaanerat.

Partiillu siuttuisa tamakkerlutik Demokraatit kisimik pinnatik tapiissuteqarnissamut piumasaqaraluarnerata itigartitsissutigineqarnerat. Otto Jeremiassen taama tunngavilersorpoq.

Taamaakkaluartoq aningaasaqarnermut ataatsimiititaliap illuatungilerpaa. Tassalu taamaalilluni maajimi puisit amiisa tapiissutigineqarfiginissaat itigartillugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq