Puisit amiinik eqqussueqqusiunnaarneq piniartuunermut aserorsaasoq
- Pissutsinik uparuartuiniaannarnertut KNAPK-imiit taaneqarsinnaavoq, tassa isornartorsiuineq puisinniarneq eqqarsaatigalugu inooriaatsimik aserorterineq, akuerisinnaanngilarput, Kali Mølgaard KNAPK-mi siulittaasup tullia oqarpoq. Taassuma erseqqissaatigaa puisinniarneq tassaasoq inuussutissarsiut Kalaallit Nunaanni pinngitsoorneqarsinnanngitsoq. EU-milu aalajangerneq immikkut piumasaqaatitaqaraluarpalluunniit sunniutaarunnavianngitsoq, ima erseqqissarpaa
- Sunniutaarutinngilaq, takorloorsinnaavarput aamma eqqarsaatigereertariaqarparput, tullissaani oqartoqassasoq ”puisit piniarneqaqqissanngillat”.
Illuatungaaniit oqartariaqarpugut Europamiut inuussutissarsiornerat ataqqivarput, soorlu kukkukuuaqqat uumatillugit nivinngaannartakkat uparuarneq ajorpagut, taakkua killormut aamma ataqqinnittariaqarput, Kali Mølgaard oqarpoq.
Taanna isumaqarpoq piniartut siunissami pisup kingunerisaanik atugarlioreertut atugarliorninngussasut, piniartut ilaasa puisip amia kisiat inuuniutigisarmassuk.
Namminersornerullutik Oqartussat puisip amiinut tapiissuteqartartut neriuutigivaat sunnerneqassanngitsoq, EU-milu pisunut tunniutiinnassanngitsut.
KNAPK-imi siulittaasup tullia Kali Mølgaard taama oqarpoq. EU-mit puisip amiinik mattussigaluttuinnarnerup kingunerisaanik nunarsuarmi tunitsivissanik allanik ujaasisoqalernissaa aamma Kali Mølgaardip misissoqquaa.