Puisit amiinik eqqusseqqusiunnaarnissaq tamanut eqquissaaq
- Maleruagassat nutaat ataasiinnarmik siunertaqarput, tassalu europamiut imminnut iluarisimaarutissaminnik oqarsinnaaniassagamik
“eskimuuarannguit iliuuseqarfigaavut", Aaju Peter oqarpoq.
Puisit amiinik EU-mut eqqusseqqusiunnaarneq atuutilissappat puisit amiisa akii appariarujussuarsinnaasut, kinguneranillu kikkut tamarmik eqqugaasinnaassasut Aaju Piitap aarleqqutigaa
Canadami qitiusumik naalakkersuisut nipituuliuutiginngikkaluarlugu puisinniarnermi malittarisassanik nutaanik eqqussiniarnertik sapaatip-akunneri marluk matuma siornatigut nalunaarutigaat, tassani piniartut puisinik qajassuussinerusumik toqutsisarnissaat, soorlu puisit ameerneqartinnatik toqulluarneqarsimanissaat piniartunit qulakkeerneqaqqaartalissasoq piumasaqaataassaaq.
Uumasunilli illersuiniaqatigiiffik, IFAW, Greenpeacemit sakkortusaarnerusartoq, illuatungiliivoq, malittarisassat nutaat sakkukippallaassanerarlugit.
