Puisit amiinik Canadamiit nunatsinnut eqqussuineq Uumasunik Illersuiniaqatigiit unitsinnialerpaat

Canadamit nunatsinnut puisit amiinik eqqussuineq uumasunik illersuiniaqatigiit unitsinnialerpaat; isumaqaramik piniartortatta isigineqarnerat unitsinneqanngippat ajoquserneqassasoq. Danskit nunanut allanut ministeriannut, inatsisinillu atortitsinermut ministeriannut allagaqarput.

Canadamiut puiseeqqanik toqoraanerini assilisat akerleralugit Danmark-imi uumasunik illersuiniaqatigiit suliniuteqalerput. Nunatta Ammerivia Canadamit puisip amiinik amerlasuunik pisisarpoq, siorna 22 mio. kr.-t nalinginik.

Ilisimaneqanngilaq puisit qanoq ilillugit toqunneqarsimanersut, ilisimavarpulli puisit amerlasuut anaalerlugit toqunneqarsimasut, uumatillugillu ameerneqarsimasut, illersuiniaqatigiit siulittaasuat Ole Münster nassuiaavoq.

Ernummatigaa Nunatta Ammeriviata tusaamaneqarnera innarlerneqassasortaaq. Tamanna tunngavigalugu uumasunik illersuiniaqatigiivi danskit nunanut allanut, inatsisinillu atortitsinermut ministeriinut, nunatsinnut amernik Canadamit eqqussuineq unitseqqullugu allagarsimapput.

Ole Münsterip annilaanngatiginerarpaa unitsinneqanngippat nunarsuaq tamakkerlugu nunatsinni piniartut isigineqarnerat innarlerneqassasoq.

Danskit aviisianni Politiken-imi atuarneqarsinnaavoq 2005-imi puisit toqunneqartut 44% -ii anaalerlugit toqunneqarsimasut, tassalu puisit 150.000-it