Puisit amii tunisat amerlapput

Piniartut ukioq manna puisit amiinik amerlasuunik tunisaqarput.

Aasap ingerlanerani naatsorsuinerit takutippaat, siornamut naleqqiullugu inuussutissarsiutigalugu piniartut taamaalinerani puisit amiisa marloriaataannik tunisisimsut.

Puisit ajornannginnerusumik pisarineqarsinnaalerput.

Inuussutissarsiutigalugu piniartut ukioq manna juunip naanera ilanngullugu ammit tunisaat 43.000-upput. Ukioq kingulleq taamaalinerani puisit amii 24.000-t tununeqarput. Aalisarnermut Piniarnermullu pisortaqarfiup kisitsisaanni erserpoq.

KNAPK-mi pisortap Peter S. Olsenip ukioq manna puisit pisarineqarnerisa amerleriarsimaneri malugisimavaa.

- Ukioq manna puiseqarsimaqisoq ilaasortatsinnit tusartarparput. Upernaap aasallu ingerlanerani puiseqarsimaqaaq, taama Peter S. Olsen oqarpoq.

Puisit amiisa amerlasuut tuninineqarsimanerannut ukioq manna tunisiffissaqarneruneq peqqutigisinnaavaa.

Peter S. Olsenip nuannaarutigaa piniartut ukioq manna puisit amiinik taama amerlatigisunik tunineqarsimanerat.

- Ukiorlussimanerata kingunerisaanik ilaasortatta isertitaqarluarnissartik pisariaqartippaat, KNAPK-p pisortaa oqarpoq.

Aalisarnermut Piniarnermullu pisortaqarfimmit kisitsisit kingulliit pissarsiarisatta takutippaat, aasap naanissaata tungaanut taamatut ingerlasoqaannartussaasoq. Inuussutissarsiutigalugu piniartut ukioq manna puisip amii 62.000-it tunisimavaat.

Ukioq kingulleq puisit ami 72.000-t tunineqarput.