Puisit amii pillugit suliamut tunngatillugu EU-mi politikerit Nunatsinnik tapersiisut
Kalaallit Nunaannut iluaqusiisussami inatsisissatut siunnersuummi oqaasertat kalaallit danskillu politikeriinit kimigiiserfigineqareerluni EU-parlamentimi oqaaseqartartup allanngorpaa.
AAMMA ATUARUK Krusep piniartut eqqugaasinnaanerat ernumagigaa
Naggueqatigiit Inuit pineqannginnissaannik aalajangersakkap sukaterneqarnissaa, ilaatigut Kalaallit Nunaata EU-mi puisit amiinik tuniniaasinnaaneranik imaqartoq, imaassinnaavoq aarleqqutigineqaqqaartutut annikinnerusumik kinguneqarnerluttoq.
Taama EU-parlamentimi ilaasortat arlaqartut isumaqarput.
Rumæniamit ilaasortaq Christian-Silvio Busio, EU-parlamentimi puisit amii pillugit oqaaseqartartuusoq ippassaq allannguutissatut siunnersuummik saqqummiussivoq.
Danskit EU-mi politikerit sukataarput
Tassani allassimavoq, puisinniarneq naggueqatigiinnut inunnut tunngaviusumik inuussutissarsiutaasoq - taamaattumik naggueqatigiit Inuit pineqannginnissaannik aalajangersagaq suli atuuttariaqartoq, naak puisit amiinik eqqussisinnaanermut malittarisassat sukaterniarneqaraluartut.
AAMMA ATUARUK Inuit puisittaanik EU-mut tuniniaaqqusinnginneq uterfiginiarpaat
Taama danskit EU-parlamentimi ilaasortaatitaat Christel Schaldemose Socialdemokratineersoq allannguinissaq pillugu oqaaseqarpoq:
- Ammaanniarsarineqartoq unaavoq, Inuit inuuginnarnissaat kisimi pineqanngitsoq, kisianni soorunami aamma puisinniarneq aningaasarsiutaasariqartoq. Isumaqarpungalu taanna assorsuaq pingaaruteqartoq.
Allannguutissatut siunnersuut EU-parlamentimi marlunngorpat suliarineqassaaq.
Tamatuma kingorna EU-p ministerrådiani oqallisigineqassaaq - tassanili qanorluunniit pisoqarsinnaavoq
Isumaqatigiinniarnerit suli ingerlanneqarput
- Tassani isumaqatigiinniarnerup inernissaa oqaatigereerneqarsinnaanngilaq. Naggueqatigiit inuit pineqannginnissaannik aalajangersakkamik atorsinnaasumik pinngitsoorata peqarusunnitsinnik Europaparlamente-miit nalunaarnerput sakkortuvoq ersarillunilu, taama oqartoq tassaavoq, danskit EU-parlamentimi ilaasortaatitaat socialdemokratiusoq Christel Schaldemose.
Inatsisartunit Folketingimiillu aallartitat ippassaq Bruxellesimiipput malittarisassanik sukateriniarneq EU-mi politikerinut unitseqqullugu kimigiisiutigiartorlugu.
