Puisit amii EU-mut eqquteqqusaajunnaassanersut sisamanngorpat aalajangiiffigineqassaaq

Siunnersuut kommission-imi maannakkut piareersarneqarpoq, kommission-imilu aalajangiiffigineqareerpat, EU-mi inatsisartunut ingerlateqinneqassaaq. EUmi ministerrådep siunnersuut ukiamut aalajangiiffigissavaa.

Puisit amiisa puisinillu pisut nunani EU-mi ilaasortani eqquteqqusaajunnaavinnissaannik kommisærit innersuussuteqarnissaat ilimagineqarsinnaasoq, Lars Vesterbirk Kalaallit Nunaat sinnerlugu EU-mi allaffimi pisortaq oqarpoq, erseqqissaatigaalu allatut aalajangiisoqarsinnaasoq, EU kommission-mi pusit amii puisnillu pisut pillugit isumaqatiginngittoqarmat.

Skandinaviami nunat EU-mi ilaasortaatitaqartut taamatullu nunat immami østersø-miittut puisit amiisa tassanngalu pisut EU-mut eqquteqqusaajunnaarnissaannut siunnersuummut akerliupput, taakkumi oqarput immami Østersømi puisit aalisarnermi akornutigineqartut.

Danmarkip taamatullu Kalaallit Nunaata puisit amiisa puisinillu pisunit EU-mut eqqusseqqusaajunnaarnissannut siunnersuummut isumaqataannginnermut tunngavilersuutigaa

puisit nungutaalinngimmata ukiunilu kingullerni tusintilinni Kalaallit Nunaani inuussutissarsiutigineqarmata.

Holland Belgien Tuluit Nunaat taamatullu Tyskland, puisit amiisa puisinillu pisunit EU-mut eqqusseqqusaajunnaavinnssamik tapersersuipput

Kalaallit Nunaanni Ammeriviup Great Greenland-ip ammit tunisartagaasa 15 20 procentii nunanut EU-mi ilaasortanut tunisarpai.