Puisip piaraat qiviullit Ruslandimi piniaqqusaajunnaarput
Puisit piaraasa qiveerneqarsimanngitsut amiisa tuniniarneqarneranni akigissaaraluaqisoq Rusland-imi puisinniartartut puisit piaraannik piniaqqussaajunnaarput. Puisit piaraasa piniarneqartarnerannut Rusland nunarsuarmi kingullersaalluni inerteqquteqarpoq.
Nunani siuarsimanerusuni puisit piaraasa piniarneqartarnerat inerteqqutaavoq, aammalu taakkua pisarineqartarnerat piniarnertut taaneqarsinnaanngilaq akisinnaanngillammi Rusland-imi pinngortitaq pillugu ministeri Juri Trutnev nutaarsiassaqartitsivik AP tamaatut allaaserisaqarpoq.
Rusland-imi puisit sukkasuumik ikiliartorput. Ukiut qulit kingulliit ingerlaneranni puisit pingasorarterutaannik ikileriarput. Maannakkullu puisit 200.000-iinnanngorput.