Puisip arnaq kiivaa

Arnaq 35-nik ukiulik Roskildep Kangerluani ippassaq unnukkut eqqissivilluni iporusaartilluni iporsuuttartut klubbiata qanittuani puisimit ilasseraanngeqisumit qaninngoorneqarpoq.

Napparsimmaviliarmat nakorsat paasivaat, talimigut talerperlikkut sisamanik kiggeqartoq.

- Sisamariarluni kiitissimanersoq, imaluunniit puisip kigutaasa sisamat kiggerineraat naluarput, Sjællandip Qeqqani- Kitaanilu Politeeqarfimmi oqaaseqartartoq, Martin Bjerregaard, oqarpoq.

Pinngortitaq pillugu Aqutsisoqarfik Sjællandip Qeqqani- Kitaanilu Politiit puisi pillugu ilisimatinnialerpaat.

- Inunnik allanik kiitittoqaqqunngeqaarput. Allanilli kiitittoqarsimassappat, puisi qunusaarlugu kangerluup qinnguaniit peersinniarsarissavarput, Martin Bjerregaard oqarpoq.

Puisinik Roskildep Kangerluani ilaatigut takusoqartarpoq, umiarsualimmilli pulasarnerat qaqutigoorpoq. Puisi pineqartoq una tassaassagunarpoq sissami ippassaq seqinnisaarujoortoq.

Immaqa nunatsinni puisi kiisitinnagu aallaaneqarsimassagaluarpoq.