Puisip amiisa tapii allanut aamma atuuttariaqarsoraat

Puisip amiinut tapit Great Greenland-iinnanngitsumi tunisassiorfinnilli aamma allanit tunniunneqartalissasut Unammilleqatigiinnermut Ataatsimiisitaliap kissaatigaa.

Piniartut puisip amiinik tunisaqarnerminni taamaallaat Great Greenland-mit tapiissutinik tunineqarsinnaasarput, tamannalu unammilleqatigiinnermut naapertuutinngitsoq Unammilleqatigiinnermut Ataatsimiisitaliap siulittaasuata Carl-Aage Skovaa isumaqarpoq.

- Suliffeqarfik suugaluartorluunniit puisip amiinik tunisassiorusulissagaluarpat, Great Greenlandisulli puisip amiinik tapiissutinik tunniussisinnaanaviannginnami unammillersinnaanavianngilaq, Carl-Aage Skovaa oqarpoq.

Maniitsumi piniarnermut aalisarnermullu siunnersuisartup naammagittaalliuteqarnera aallaavigalugu Unammilleqatigiinnermut Ataatsimiisitaliap suliaq ingerlateqqissamaarpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat