Puisinik piniariaaseq misissorneqassaaq
Puisit anaalerlugit toqunneqartarnerisa inerteqqutinngortinneqarsinnaanera misissuiffigineqassasoq, Canadami aalisarnermut naalakkersuisoq Loyola Hearn CBC-mut oqarpoq.
Allatulli puisinniarsinnaanermut periarfissat nalornissutigai.
- Puisit anaalerlugit toqunneqartarnerisa amiilaarnannginnerusumik toqutsisarnernut qanoq taarserneqarsinnaanersut takorloorsinnanngilara, ingillutali oqallisigilluartariaqarparput Loyola Hearn oqarpoq.
Naalakkersuisoq isumaqarpoq, aallaasit atorlugit puisinik toqoraasarnissaq periarfissaasoq, soorlu New Foundland-ip avannaatungaani taamatut ileqqoqartut.
Puisinik anaalerilluni toqoraasarneq inerteqqutinngortinneqassanersoq, aappaagu puisinniarfiup nalaa nallertinnagu, naalakkersuisoq aalajangertariaqassaaq.