Puisimi eqqartuussissut kinguartippaat

Puisi A/S pillugu nunatta eqqartuussiviani eqqartuussinerup aalajaangiiffigineqarnissaa kinguartinneqarpoq. Eqqartuussinerup inernera 22. december aalajangiiffigineqassasoq nalunaarugineqaraluarpoq, maannali nunatta eqqartuussivia nalunaarpoq, februarip ulluisa pingajuanni eqqartuussinerup aalajangiiffigineqarnera pissasoq, Kalaallit Nunaanni eqqartuussisuuneq Søren Søndergaard Hansen ullumi taamatut nalunaarpoq.

Taanna ajuusaarpoq, suliap aalajangiiffigineqarnissaanut kinguartitsisariaqarneq pillugu. Pineqaatissiissutip allanneqarnissaanut sapaatit akunneri marluk piffisaliunneqarsimapput , suliallu taassuma suliarineqarnerani eqqartuussivimmi suliassanik allanik suliaqarneq pissutigalugu kinguartitsisoqartariaqarsimavoq, tamannalu ajuusaatigalugu, Søren Søndergaar Hansen allappoq.

Kalaallit Nunaanni pinerluttulerinermut inatsit malillugu eqqartuussisoqarnerani eqqartuussinerup naammassineqarneranit qaammatit pingasut ingerlanneranni pineqatissiinernik aalajangiisoqartussaavoq.

Puisi A/S pillugu eqqartuussineq 3. februar ullup qeqqanut qiteqquppat aalajangiifigineqassasoq Kalaallit Nunaanni eqqartuussisuuneq erseqqissaaavoq, taamanikkussamut tusagassiortut nipinik assinillu TV-mut immiussisinnaanerat aamma ilisimatitsissutigaa.