Puilasup ernganik tunisassiulernissaq pimoorutilerpaat

KNI Pilersuisoq ilisimatitsinermik naalakkersuisunut atorfilittanullu ullumikkut katersuutsitsivoq. Ulluinnarni ukiup ingerlanerani pisimasut piumaartussallu tusarliunneqarlutik. KNI Pilersuisup pisortaanera Gerhardt Petersen oqaaseqarnermini oqarpoq ukiumut aningaasat 2 mia.kr.-nit kaaviiaartinneqartartut, aammalu maannakkut ikittuinnarnik kalaaliunngitsunik sulisoqarnertik tulluusimaarutiginerarpaa.

Tamatumalu kingornatigut tunisassiornermut tunngassuteqartut tikinneqarput. Qeqertarsuarmi puilasup erngata avammut tuninialerneqarnissaa siunertaralugu KNI A/S-ip SIK-p Qeqertarsuullu kommuneata suleqatigiillutik pimoorussilivissimanerat Vittus Qujaukitsumit saqqummiunneqarpoq. Qeqertarsuup borgmesteria Augusta Salling oqarpoq tunisassiulernissap aallartinneqarnissaanut Namminersornerullutik Oqartussat akuersinissaat kisiat utaqqineqalersoq.