Puigortunngortut amerliartormata ilinniagallit amigaatigineqartut
Mika Eliassen KNR-imut taama oqarpoq.
Puigortunngortut 2020-mi 291-it nalunaarsorneqarsimalernissaat siulittuutaavoq. Taakkua 2030-mi 418-inngorsimassasut, aviisi AG allappoq.
Puigortunngortut sullinnissaat immikkut ittuummat, sulisut pikkorissarneqarnissaat pisariaqarpoq.
- Suliassaqarnarneruvoq peqqutigalugu paaqqutarinninneq puigortunngortunut immikkuullarikkami, taava piffissangaatsiaq sulisunut pikkorissaanissamut atorneqartariaqarluni, qanoq innuttaasoq paaqqutarinissaanut sakkussaanik tunioraanissamut, Mika Eliassen oqarpoq.
Ataqatigiissaarisut marluinnaat
Nunatsinnilu puigortunngortunut ataqatigiissaarisut marluinnaammata, tamannarpiaq ajornartorsiutaavoq- ataqatigiissaarisut tamarmik Kommuneqarfik Sermersuumiipput.
- Malinnaaffigisarput takusinnaasariaqarparput, assersuutigalugu puigortunngortoq, nappaataata ingerlarsornerani suut misilittakkat piffik aalajangersimasumi aqqussartussaavai, taakkua eqqumaffigineqanngippata iluamik ikiorserneqaratik misigisimasinnaagamik, puigortunngortunut ataqatigiissaarisoq Mika Eliassen oqarpoq.
Sulisuinnaat pikkorissarneqassanngillat, ilaqutaasut qaninnerit aamma siunnersorneqartariaqarput:
- Angerlarsimasut, soorlu ilaqutaasut aappaasullu, qanoq sivisunerpaamik angerlarsimatissappat, qanoq paaqqutarissaneraat siunnersornissaat pikkunartarpoq, Kommuneqarfik Sermersuumi puigortunngortunut ataqatigiissaarisoq KNR-imut taama oqarpoq.
