Puigortunngortarneq pillugu paasissutissaqanngingajappoq

Qallunaatut oqaaseqartut puigortunngortarneq pillugu paasissutissanik pissarsinissaminnik periarfissaqarluarput, tamannalu kalaallisut oqaasilinnut periarfissaanngingajalluni. Tamanna pissutigalugu puigortunngortut ilaqutaat suliniuteqalerput.
Allattoq Jaaku Lyberth
marsip 09-at 2011 09:42

Puigortunngortut qanigisaat puigortunngortarneq pillugu paasissutissiissutissanik, DVD-inik pingasunik, saqqummersitsinissamut aningaasanik katersileruttorput.

- Puigortunngortut ilaqutaat inunnit amerlasuunit attavigineqartarput, puigortunngortut ajortumik pineqartarnerat oqaluttuarineqartarluni, tamatumunngulu pissutaaneruvoq, inuit amerlasuut puigortunngornerup nappaataaneranik ilisimasakinnerat, Puigortunngortut qanigisaanneersoq Aviâja Absalonsen oqarpoq

Pugortunngortut qanigisaasa suleqatigiffiat DVD-inik saqqummersitsinissamut aningaasaanik 525.000 koruuninik maannamut tapiiffigineqarpoq. Suliap piviusunngortinneqarnissaanut aningaasat 475.000 koruunit suli amigaatigineqarput.

Suliniummut Inuunernittap anigaasaateqarfianit, Kommuneqarfik Sermersuumit kiisalu Helenep Svend Jungillu anigaasaateqarfianit aningasaliiffigineqareerpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq