Puiaasat timmisartumut nassarneqaqqittalissapput

Tipigissaatit imertarfiillu puiaasat imermik imallit timmisartornermi nassatatut ukiut pingasut qaangiuppata tigummiaannarneqaqqittalissapput.

Taamanikkussamut teknologi nutaaq atorlugu nassatat seqerneqartalissapput, taamaaliornikkut erngup suunera takuneqarsinnaalissalluni. EU-kommissioni tusagassiutinut nalunaarumminni taama allappoq.

Europami timmisartoqarfiit tamarmik nassatanut seqersaammik nutaamik 2013-utinnagu ikkussuiffigineqassapput, taakkualu takusinnaassavaat imeq nassataq ulorianartuunnginnersoq.

Puiaasamut immiussaq qaariaannaq tuluit politiivisa aggustimi 2006-imi nassaarimmassuk kingorna puiaasat imermik imallit timmisartut iluinut nassarneqaqqusaajunnaarput. Puiaasaq 100 milileteri kisiat timisartumut nassarneqarsinnaavoq. Taamaattoqarnera ilaasunut quianaannarneq ajorpoq, tassami imigassaatitik, tipigissaatitik imerlu maagaannaq ilisariaqartarmatigit.

Europami timmisartoqarfiit aningaasarpassuit atorlugit puiaasat qimaannakkat isumagisarpaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat