Puiaasaq allakkanik imalik ukiut 21-t angalasoq
Puiaasaq allakkanik imalik 1986-miilli imaanut avalatsinneqarsimasoq 2792 kilometeri ingerlavigereeraalu nassaarineqarsimasoq, aviisimi B.T.-mi allaaserineqarpoq.
Allattoq Louise M. Kleemann
Arnaq amerikamioq Emily Hwaung ullumikkut 30-nik ukioqartoq, puiaasamik imaanut avalatitsisuuvoq. Ukiullu 21-t qaangiuttut allagai aatsaat akineqarput.
Angutip Alaskamiup Merle Brandell-ip qimmini ilagalugu sissakkut pisuttuarusaartilluni puiaasaq allakkamik imalik nassaarivaa.
Emily Hwaung-ip meeraalluni 4 klasse-mi atuartuugallarami ilisimasassarsiortuusaarnerminut atatillugu puiaasamik avalatsissimanini nuannaarluni oqaluttuaraa.