Puiaasanik imaarnikunik tapersersuigit
Utertitat allagartaannik nakkartitsivissaq immerneqalereersimalerpat, taassuma imaasa aningaasanngorneri Center Markedip Ilulissani Røde Korsip immikkoortortaqarfiannut tunniutissavai.
- Neriuutigaarput nakkartitsivissaq atorluarneqarumaartoq. Taamaalilluni pisiniartartuvut ajornanngitsuaqqamik ikiuiniaqatigiinnut ikiuussinnaapput, Center Markedimi pisortaq, Peter Frederik Olsen oqarpoq.
Pisiniarfiup ikiuunnissaa Ilulissani Røde Korsip immikkoortortaqarfiata nuannaarutigaa:
- Ilulissani innuttaasut ikiuulluartartuupput, aamma uagut neriuutigaarput puiaasanik utertitsinermi tunniussisarumaartut. Innuttaasunut juullikkunni poortugarsisitsinermut aningaasat atorneqarumaarput, taamaalilluni innuttaasunut aningaasat utertsinneqartutullusooq pissallutik, Ilulissani Røde Korsip immikkoortortaqarfiani siulersuisuunerit siulittaasuat, Rachel Reimer Jensen, oqarpoq.
Ilulissat Center Markedimik piginnittut, Arctic Import, Røde Korsimut siusinnerusukkut ikiuuttareerput. Taakku kaffinik siorna tuniniaanerminni kaffit akiisa ilaat 1 koruuni tunissutigimmassuk, katinneranni 37.000 koruunit tunniuppaat.