Pualavallaaruit meerarsiartaarsinnaanngilatit

maajip 23-at 2007 17:05

Ilannguaq Olsen meerarsiartaarnissaminut pualavallaarpoq.

Taama allappoq Nyhedsavisen.

Ilannguaq Olsen nulialu, Helle, Danmarkimi najugaqartut, nunami allameersumik meerarsiartaarusullutik qinnuteqarsimapput, Meerarsiartaarnissamulli ataatsimiititaliamit itigartinneqarsimapput, Ilannguaq Olsen 125 kiilumik oqimaassuseqarmat.

Meerarsiartaarniaraanni aalajangersimasunik inatsiseqarpoq: BMI-p, tassa timip qanoq orsoqartiginerata, 38 qaangersimappagu, angutaagaannilu, meerarsiartaarneq ajornakusoorpoq. Meeqqap pisariaqartitai pineqartarput, angajoqqaallu pualavallaat siusissukkut toqunissaat ilippanaateqarnerusarpoq, meeqqanullu tamanna pisariaqanngilaq.

- Pualavallaarneq immaqa ilaatigut takuneqarsinnaaneq ajorpoq, tamannali naammanngilaq. Meeqqamut suna ajunnginnerpaanersoq nalilersussallugu pingaaruteqarpoq, Meerarsiartaarnermut ataatsimiititaliami allaffimmi pisortaq,

Henriette Braad Olesen, aviisimut oqarpoq.

Isuma taanna Meerarsiartaarnermut Inuiaqatigiinnullu Kattuffimmit tapersersorneqarpoq.

- Meeqqap pisariaqartitai pingaaruteqarnerpaapput, imaanngitsoq angajoqqaat pisariaqartitaat, angajoqqaat arlaata toqukkut qimagutiaarnissaa ilimanaateqarpat, itigartitsineq una isumaqatigaarput, kattuffimmi siulittaasup tullia, Paul K. Jeppesen, oqarpoq.

Tunngavilersuutit Ilannguaq Olsenip isumaqatiginngilai. Aviisi naapertorlugu, Ilannguaq Olsen isumaqarpoq, utoqqalitinnani toqukkut qimagutissagaluaruniluunniit meeqqap Danmarkimi alliartornissaa pitsaanerpaassasoq. Ilannguaq Olsen itigartitaanermi kingorna kiilunik arfineq-pingasunik oqilisimavoq, aappaagulu marsip qaammataa nallertinnagu neriuutigaalu, kiilullu kingulliit aappaagu marsip qaammataa nallertinnagu katassinnaassallugit neriuutigaa, taamanikkussamummi 41-nik ukioqalertussaagami, 40-llu sinnerlugit ukioqaraanni nunanit allaneersunik meerarsiartaarnissaaq ajornakusoortorujussuuvoq.